وادەی دابەشكردنی مووچەی مامۆستایانی گرێبەست دیاریكرا
عەلی رەئوف، نوێنەری گشتیی مامۆستایانی گرێبەست
SNN-عەلی حەمە سەعید
نوێنەری مامۆستایانی گرێبەست ئاشكرایكرد كە سبەی شەممە دەستدەكرێت بە دابەشكردنی مووچەی مانگی سێی مامۆستایانی گرێبەست و ئەوانیش پێش جەژن مووچەكانیان وەردەگرن.
عەلی رەئوف، نوێنەری مامۆستایانی گرێبەست، بە SNNی راگەیاند: دوای بەدواداچوونمان لەگەڵ وەزارەتی دارایی و ئابوری حكومەتی هەرێم و بەرپرسانی وەزارەتی پەروەردە، پێیان ڕاگەیاندین كە سبەی رۆژی شەممە مووچەی مانگی سێی مامۆستایانی گرێبەست دابەشدەكرێت.
ئاماژەی بەوەشكرد، هەموو هەوڵەكانمان بۆ ئەوەیە كە مامۆستایانی گرێبەستیش پێش جەژنی ڕەمەزان مووچەكانیان وەربگرن هاوشێوەی مامۆستایان و فەرمانبەرانی میلاك، خۆشبەختانە هەوڵەكانمان ئەنجامی هەبوو سبەی دەستبەدابەشكردنی مووچەی مامۆستایانی گرێبەست دەكرێت.
نوێنەرەكەی مامۆستایانی گرێبەست ئەوەشی خستەڕوو كە ژمارەی مامۆستایانی گێبەست دەگاتە نزیكەی 38 هەزار مامۆستا كە بە بڕیارێكی ئەنجومەنی وەزیران لە وانەبێژییەوە كرانە گرێبەست لەسەر میلاكی وەزارەتی پەروەردە.
