فەرمانگەی ژینگەی سۆران داوای قەدەغەکردنی کۆکردنەوەی گیا بەهارییەکان دەکەن
گیای بەهارە
SNN
بەهۆی کەمبوونەوەی رێژەی گیابەهارییەکان لە ناوچەی سۆران، فەرمانگەی ژینگەی سۆران داوا دەکات بۆ ماوەی ساڵێک هەڵکەندنی گیا بەهارییەکان قەدەغە بکرێت.
فەرمانگەی ژینگەی سۆران لە راگەیەنراوێکدا ئاشکرایدەکەن، هەڵکردنی گیابەهارییەکان لەلایەن هاووڵاتیانەوە زیانی بەو گیایانە گەیاندووە و رێژەی شینبوونیان لەمساڵدا کەمیکردووە، بەهۆی ئەوەی ئەو هاووڵاتیانەی روودەکەن ناوچە شاخاوییەکان و ئەو شوێنانەی گیا بەهارییەکانیان تێدایە، لە رەگەوە گیاکان هەڵدەکەنن، ئەمەش وادەکات جارێکی تر سەوز نەبنەوە و نەڕوێنەوە.
ئاماژە بەوەدەکات، لە ساڵانی رابردوودا لە ناوچەکەیان نزیکەی 400 جۆری گیا بەهاریی بوونی هەبووە، بەڵام بەهۆی هەڵە هەڵکەندن و کەمی رێژەی باران بارینەوە رێژەی گیابەهارییەکان لە ناوچەکەدا کەمیکردووە.
