ئەمڕۆ کابینەی نوێی حکومەتی سوریا رادەگەیەنرێت
ئەحمەد شەرع
SNN-
بڕیارە کاتژمێر 12ـى نیوەڕۆی ئەمڕۆ ئەحمەد شەرع، سەرۆکى سوریا لە کۆشکى گەل، کابینەى نوێى حکومەتى سوریا رابگەیەنێت.
کابینەى نوێى حکومەتى سوریا لە 22 وەزارەت و سێ دەستە پێکهاتوو، کە دەستەى فڕۆکەوانى و دەستەى وەبەرهێنان و دەستەى فەتوا لەخۆ دەگرێت.
ئەسعەد شەیبانى، وەزیرى دەرەوەى سوریا و مورهەف ئەبو قەسرە، وەزیرى بەرگری و ئەنەس خەتاب، بەرپرسى دەزگاى هەواڵگریی گشتیی سوریا، لە پۆستەکانیان دەمێننەوە.
پێشتر، فه‌یسه‌ڵ یوسف وته‌بێژیی ئه‌نجومه‌نی نیشتمانیی كوردی سوریا ناسراو بە ئه‌نه‌كه‌سه ڕایگەیاند، سه‌ره‌ڕای ئه‌وه‌ی بانگهێشتنامه‌یان پێ گه‌یشتوه بۆ بەشداریکردن لە ڕاگەیاندنی کابینەى نوێی حکومەتى سوریا، به‌ڵام به‌شداریی له ڕێوڕه‌سمه‌كه ناكه‌ن، چونکە بۆ پێکهێنانی حکومەتە کاتییەکە هیچ ڕاوێژێکیان پێ نەکراوە.
راشیگەیاندبوو، هێزه سیاسییه كوردییه‌كان نوێنه‌رایه‌تیی ڕاسته‌قینه‌ی گه‌لی كورد ده‌كه‌ن و به‌رگریكاریی ڕاسته‌قینه‌ن، به‌ڵام له به‌رژه‌وه‌ندییاندا نییه به ته‌نیا بینه‌ر بن و ڕۆڵیان له به‌دیهێنانی مافه‌كانی كورددا نه‌بێت.
