مەزڵوم عەبدی: هەڵبژاردەی هەمیشەییمان ئاشتییە

فەرماندەی گشتی هێزەكانی سوریای دیموكرات پیرۆزبایی هاتنی جەژنی رەمەزان دەكات و دەڵێت: هەڵبژاردەی هەمیشەییمان ئاشتییە”

مەزڵوم عەبدی، فەرماندەی گشتی هێزەكانی سوریای دیموكرات (هەسەدە) لە تۆڕی كۆمەڵایەتی (X) بڵاویكردەوە؛ بە بۆنەی جەژنی رەمەزانەوە پیرۆزبایی لە هەمو سورییەکان و جیهانی ئیسلامی دەکەم.

ئاماژەی بۆ ئەوەشكردوە كە لەم بۆنە پیرۆزەدا جەختدەكەنەوە کە هەڵبژاردەی هەمیشەییان ئاشتییە، هەروەها بەڕێگەی ئاشتیانە، پابەندن بە بەدەستهێنانی سەقامگیری.

فەرماندەی گشتی هێزەكانی سوریای دیموكرات (هەسەدە) دەخوازێت كە جەژنی رەمەزانی پیرۆز ئاسایش و ئارامی بۆ وڵاتەکەیان بهێنێت.

پەیامەكەی فەرماندەی گشتی هێزەكانی سوریای دیموكرات (هەسەدە) لەكاتێكدایە كە ئەمڕۆ یەكشەممە تەواكاری مانگی رەمەزان بوە و سبەینێ دوشەممە لە رۆژئاوای كوردستان و سوریا جەژنە.