کەشتییەکی فرۆکەهەڵگری دیکە رەوانەی رۆژهەڵاتی ناوەڕاست دەکەین

SNN

ئەمریكا كەشتییەكى فرۆكە هەڵگری نوێ رەوانەی رۆژهەڵاتی ناوەڕاست دەكات، لەپێناو درێژەدان بە سەقامگیری ناوچەکە و پاراستنی رەوتی ئازادی بازرگانی لە ناوچەکە.

وەزارەتی بەرگری ئەمریكا “پنتاگۆن” دەڵێت، ئەمریکا ژمارەی ئەو کەشتییە فڕۆکە هەڵگرانەی لە رۆژهەڵاتی ناوەڕاست جێگیرکردون بۆ دوو فرۆكە هەڵگر زیاد دەکات، ئەو کەشتی فرۆكە هەڵگرەی لە زەریای هیندستان و زەریای هێمن جێگیرە، دەچێتە پاڵ ئەو كەشتی فڕۆکە هەڵگرەی لە کەنداو جێگیرکراوە.

شۆن پارنێل، وتەبێژی پنتاگۆن، لە بەیاننامەیەکدا رایگەیاندووە، کەشتیی فڕۆکە هەڵگری ” کارل ڤینسۆن” پەیوەندی بە کەشتی فڕۆکەهەڵگری “هاری ئێس ترومان”ەوە دەکات، لەپێناو درێژەدان بە سەقامگیری ناوچەکە و، رێگریکردن لە هەر دوژمنكارییەك و پاراستنی رەوتی ئازادی بازرگانی لە ناوچەکەدا.

پنتاگۆن لە بەیاننامەکەیدا ئاماژەی بەوەکردوە، وەزیر پیت هێگسێت، فەرمانی بڵاوەپێکردنی فڕۆکە جەنگییەکانی دەرکردووە.

هاوكات ئاژانسی ڕۆیتەرز بڵاویكردەوە، لانیکەم چوار فڕۆکەی بی-2 گواستراونەتەوە بۆ بنکەیەکی سەربازیی ئەمریکا و بەریتانیا لە دوورگەی دیێگۆ گارسیا لە زەریای هیندی