شەپۆلێکی بارانبارین روو لە هەرێم دەکات

SNN

کەشناسیی هەرێم رایگەیاند، شەپۆلێکی بارانبارین روو لە هەرێمی کوردستان دەکات و سەرجەم ناوچەکان دەگرێتەوە، کەشناسی عێراقیش دەڵێت، باران بارین تاوەکو چەند رۆژی داهاتوو بەردەوام دەبێت.

ئەمڕۆ چوارشەممە 2ــی نیسانـی 2025، کەشناسیی هەرێم رایگەیاند، ئەمڕۆ ئاسمان هەوری تەواو دەبێت و نمە باران دەبارێت و هەورە تریشقەی لەگەڵدا دەبێت. دەشڵێت، لە سەرەتا ناوچە شاخاوییەکانی دهۆک دەستپیدەکات و پاشان سەرجەم ناوچەکانی هەرێم دەگرێتەوە و لە هەندێک شوێن تاوە باران دەبارێت.

هاوکات کەشناسیی عێراقیش بڵاویکردەوە، لە چەند رۆژی داهاتوودا شەپۆلێکی دیکەی باران بارین روو لە ناوچەکانی هەرێمی کوردستان دەکات و پلەکانی گەرما کەمێک دادەبەزن و نمە باران دەبارێت.