عەباس عێراقچی: تاران لە وەڵامدانەوەی پەیامەکەی ترەمپ دەرفەتی دیپلۆماسی پاراستووە
عەباس عێراقچی، وەزیری دەرەوەی ئێران
SNN-
وەزیری دەرەوەی ئێران رایگەیاند، وڵاتەکەی ئامادەیە بەردەوام بێت لە گفتوگۆ سەبارەت بە بەرنامە ئەتۆمییەکەی، ئاماژەی بەوەشکرد، تاران لە وەڵامدانەوەی پەیامەکەی سەرۆکی ئەمریکا دەرفەتی دیپلۆماسی پاراستووە.
لە هەواڵێکی ئاژانسی تەنسیمدا هاتووە، عەباس عێراقچی، وەزیری دەرەوەی ئێران رایگەیاندووە، “وەڵامی تاران بۆ پەیامەکەی دۆناڵد ترەمپ، سەرۆکی ئەمەریکا لەگەڵ ناوەڕۆکەکەیدا یەک دەگرێتەوە و دەرفەتی دیپلۆماسی پاراستووە.”
وەزیری دەرەوەی ئێران ئاماژەی بەوەشکردووە، “وڵاتەکەی ئامادەیە بەردەوام بێت لە گفتوگۆ سەبارەت بە بەرنامە ئەتۆمییەکەی و هەڵگرتنی سزاکان، لەسەر بنەمای لۆجیکی دروستکردنی متمانە.”
عێراقچی پێی وایە، دانوستانی راستەوخۆ لەگەڵ لایەنێک کە پابەندی هەڵوێستی دژبەیەک بێت و هەڕەشەی بەکارهێنانی هێز بکات، هیچ سوودێکی نییە.
