بانگی مزگەوتەکانی سلێمانی یەکدەخرێت

SNN-

بەڕێوەبەرایەتی ئەوقافی سلێمانی پڕۆژەی بانگبێژی شارى راگەیاند بۆ یەکخستنی بانگی مزگەوتەکانی ناو شاری سلێمانی دەوروبەری.

بەڕێوەبەرایەتی ئەوقافی سلێمانی رایگەیاند، لە پڕۆژەیەکدا بەناوی “پڕۆژەی بانگبێژی شار”، بانگی سەرجەم مزگەوتەکانی شاری سلێمانی یەکدەخەن.

راشیگەیاندووە:”داوا لە سەرجەم بانگبێژە دەنگخۆشەکان دەکەین، ئەوانەی خوازیارن بەشدار بن لەو پڕۆژەیە، پەیوەندی بە لیژنەی هەڵسەنگاندنەوە بکەن”.

دەشڵێت، دوا کات بۆ تۆمارکردنی ناوەکان 14ی ئەم مانگە دەبێت.

ئەوەش دوای ئەوە دێت، لە ماوەی رابردوودا بەشێکی هاووڵاتیان گرفتیان هەبوو لەگەڵ بەرز و نزمی دەنگی بڵندگۆی بەشێکی مزگەوتەکان و بانگبێژەکان و داواکاربوون، بەڕێوەبەرایەتی ئەوقاف دەنگی بڵندگۆکان و توانا و دەنگی بانگبێژەکان بۆ بانگدان رێکبخاتەوە.