نرخی مریشكی زیندوو هاڕەیکرد

SNN-عەلی حەمە سەعید

بەراورد بەدووهەفتەی پێشوو نرخی مریشكی زیندوو لەبازاڕەكانی هەرێم نزم بوونەوەی بەخۆیەوە بینیوە بەجۆرێك نرخی هەر كیلۆیەك مریشك نزیكەی هەزار و500 دیناردابەزیوە و ئەمڕۆ ئەمڕۆ کیلۆیەک مریشک بۆ دووهەزار دینار دابەزی.

ئاری بەکر، یەکێک لە مریشک فرۆشانی هەڵەبجەبەSNNی رایگەیاند: لە هەفتەی پێش هاتنی جەژن نرخی مریشک بەرزبوونەوەی زۆر بەخۆیەوە بینی و لە دووڕۆژی پێش جەژن کیلۆیەک مریشک گەیشتە سێ هەزار و 750دینار، بەڵام ئەمڕۆ نرخی مریشک دابەزینی بەچاوی بەخۆیەوە بینی.

ئاماژەی بەوەشکرد، ئەمڕۆ کیلۆیەک مریشکمان بەتەنها دوو هەزاردینار فرۆشت، هاوکات دابەزینی نرخی مریشك پەیوەندیی راستەوخۆی بە خواستەوە هەیە، كاتێك خواست زیاد دەبێت، مریشك كەم دەكات،هاوكات هاتنی مانگی ڕەمەزانیش هێندەی دیكە خواستی لەسەر مریشكی زیندوو زیادكردبوو، بەڵام ئێستا خواست کەم بووەتەوە.

بەگوێرەی ئامارەكانی وەزارەتی كشتوكاڵ، ساڵانە هەرێمی كوردستان زیاتر 270 هەزار تۆن گۆشتی مریشك بەرهەم دەهێنێت، لەكاتێكدا پێداویستیی ساڵانەی ناوخۆی 150 هەزار تۆنە، هاوكات لە هەرێمی كوردستان هەزار و 959 پەلەوەرخانە هەن، كە پێداویستی ناوخۆیی لە هێلكە و گۆشتی مریشك پڕدەكەنەوە.