“هێرشەکان بۆ سەر غەززە فراوانتر دەکەین، گەر حەماس بە داواکاریەکانمان قایل نەبێت”
ئیسڕائیل کاتز، وەزیری بەرگری ئیسڕائیل
SNN
ئیسرائیل کاتز، وەزری بەرگری ئیسڕائیل لە سەردانێکی مەیدانیا بە کەرتی غەززدا، ئەوەی ئاشکراکرد کە هێرشەکانیان قوڵتر و فراوانتر دەکەن، کەر چەکدارانی حەماس نەیەنە ژێر باری ئەو داواکاریانەی کە ئیسڕائیل ئاشکرای کردوون و ئاماژە بەوەش دەکات کە هێرشەکانیان تەواوی غەززە دەگرێتەوە.
ئەم قسانەی کاتز لەگەڵ ژمارەیەک لە بەپرسی پلە بەرزی سوپای ئیسڕائیلدا بووە لە سەردانێکی میدانی بۆ کەرتی غەززە، ئاماژەی بەوەکردووە کە دەبێت چەکدارانی حەماس سەرجەم دیلەکانی ئیسڕائیل ئازاد بکەن و بەو داواکاریانە قایل بن کە ئیسڕائیل پێی داون، گەر ئەو کارەش نەکەن هێرشەکان فراواتر دەکەن و هەموو بەشێکی غەززە دەکەنە ئامانج.
لای خۆشیانەوە چەکدارانی حەماس بە هەموو جۆرێک داواکاری ئیسڕائیل لەبارەی رادەستکردنی سەرجەم دیلەکانی ئیسڕائیل رەتکردووەتەوە.
