ترەمپ سێ هەفتە مۆڵەت دەدات بە نەتانیاهۆ کۆتایی بە شەڕی غە*ز*زە بهێنێت
SNN-
رۆژنامەی یەدیعۆت ئەحرەنوت، لە ڕاپۆرتێکدا بڵاویکردەوە، دۆناڵد ترەمپ، سەرۆکی ویلایەتە یەکگرتوەکانی ئەمریکا، دوو بۆ سێ هەفتە مۆڵەتی بە بنیامین ناتەنیاهۆ، سەرۆکوەزیرانی ئیسرائیل داوە بۆ کۆتاییهێنان بە شەڕی غەززە و دەیەوێت بە زوترین کات ئەوە روبدات.
دوای گەڕانەوەی لە گەشتەکەی بۆ واشنتن و کۆبونەوەی لەگەڵ دۆناڵد ترەمپ سەرۆکی ئەمەریکا، بنیامین نەتەنیاهۆ پەیامێکی کۆشکی سپی گەیاندوەتە بەرپرسانی حکومەتەکەی بۆ پەلەکردن لە رزگارکردنی بارمتەکان و کۆتایی هێنان بە شەڕی غەزە.
رۆژنامەی یەدیعۆت ئەحرەنوت بڵاوی کردەوە: دۆناڵد ترەمپ مۆڵەتی دوو بۆ سێ هەفتەی داوەتە نەتەنیاهۆ بۆ کۆتایی هێنان بە شەڕی غەززە و ئازادکردنی ئەو 59 بارمتەیەی تائێستا لای حەماس ماونەتەوە.
لە کۆبونەوەکەشی لەگەڵ ترەمپ، نەتەنیاهۆ ستایشی سەرۆکی ئەمەریکای کرد و بە رۆژنامەنووسانی راگەیاند: ئەم پیاوە “ترەمپ” بەدرێژایی کات کار دەکات بۆ ئازادکردنی بارمتەکان، لەبەرامبەردا سەرچاوەیەکی ئاگادار ئاشکرای کردووە لە پشت پەردەی کۆبونەوەکان ترەمپ ئارامیی لەدەستداوە و داوای کردووە پەلەبکەن لە ئەنجامدانی رێککەوتنێک بۆ ئەوەی بەزووترین کات بارمتەکان ئازادبکرێن و کۆتایی بەو جەنگە بهێنرێت.
پێشتر ئیسرائیل کاتس، وەزیری بەرگری ئیسرائیل رایگەیاند: سوپا کۆنترۆڵی روبەرێکی بەرفراوانی خاکی غەززەی کردووە و وەک ناوچەی داماڵراو و دابڕاو مامەڵەی لەگەڵ دەکات و لە دانیشتوانەکەی چۆڵی دەکات، وەک رێگەیەک بۆ ناچارکردنی حەمماس بۆ ئازادکردنی بارمتەکان.
