روانگەی سووری: لە سووریا 673 کەس بەهۆی پاشماوەکانی جەنگەوە کوژراون و برینداربوون

SNN-

روانگەی سووری: لە سووریا 673 کەس بەهۆی پاشماوەکانی جەنگەوە کوژراون و برینداربوون

روانگەی سووری بۆ مافەکانی مرۆڤ بڵاویکردەوە، لە سەرەتای ئەمساڵەوە بەهۆی تەقینەوەی مین و پاشماوەکانی جەنگەوە لە ناوچە جیاوازەکانی سووریا، 673 کەس کوژراون و برینداربوون.

ئاماژەی بەوەشکردووە، لەو ژمارەیە 335 کەس گیانیان لەدەستداوە، کە 71 منداڵ و 17 ژنیان تیادابووە و 338 کەسی دیکەش برینداربوون.

روانگەی سووری دەسەڵاتدارانی خۆجێی و ریکخراوەکانی تایبەت بە پووچەڵکردنەوەی مین و تەقەمەنی بە کەمتەرخەم تۆمەتبار دەکات، کە بە ئەرکی خۆیان هەڵنەستاون، بەهۆی جەنگی ناوخۆیی 14 ساڵەی سووریا، بڕێکی زۆر مین و تەقەمەنی و پاشماوەکانی جەنگ بەجێماون، کە بوونەتە هەڕەشە بۆ سەر گیانی هاوڵاتییانی سووریا.

روانگەی سووری داوا لە رێکخراوە تایبەتمەندەکان دەکات، کاری بەپەلە بکەن بۆ پاککردنەوەی ئەو ناوچانەی مین و تەقەمەنی تیادایه و داوا لە دەسەڵاتدارانیش دەکات، ئاسانکاری بۆ ئەو تیمانە بکەن.