سودانی دێتە سلێمانی و لەگەڵ سەرۆك بافڵ كۆدەبێتەوە
سەرۆک بافڵ و محەمەد شیاع سودانی
SNN-عەلی حەمە سەعید
سەرۆكی فراكسیۆنی یەكێتی لە پەرلەمانی عێراق ئاشكرایكرد كە ڕۆژی چوار شەممەی ئەم هەفتەیە سەرۆكوەزیرانی عێراق دێتە سلێمانی و كۆمەڵێك دیدار و كۆبوونەوە ئەنجام دەدات لە نێویشیاندا لەگەڵ سەرۆكی یەكێتی كۆدەبێتەوە.
هەرێم كەمال ئاغا، سەرۆكی فراكسیۆنی یەكێتی لە پەرلەمانی عێراق، بە SNNی ڕاگەیاند: وابڕیارە ڕۆژی چوارشەممە محەمەد شیاع سودانی سەرۆكوەزیرانی عێراق سەردانی سلێمانی بكات و لە سەردانەكەیدا لەگەڵ (بافل جەلال تاڵەبانی) سەرۆكی یەكێتی كۆببێتەوە.
ئاماژەی بەوەشكرد، هەر لەو سەردانەیەدا سەرۆكوەزیرانی عێراق لە سلێمانی كۆمەڵێك دیدار و كۆبوونەوەی دیكە ئەنجام دەدات، كە تایبەت بە بارودۆخی ناوخۆی عێراق و ناوچەكە و هەڵبژاردنەكانی عێراق و دۆخی ناوچەكە و جیهان.
ئەوەش لەكاتێكدا بەر لە چەند ڕۆژێك سودانی سەردانی هەولێری و كرد و لەوێش كۆمەڵێك دیدارو كۆبوونەوەی ئەنجامدا.
