لۆگۆى یه‌كێتیی نیشتمانیی كوردستان و پارتى دیموكراتى كوردستان | فۆتۆ: SNN
SNN-عەلی حەمە سەعید
وابڕیارە سبەی سێشەممە هەردوو شاندی دانوستانكاری باڵای یەكێتی و پارتی لە پیرمام كۆببنەوە، ئەوەش بەمەبەستی گفتوگۆكردن لەسەر دابەشكردنی پۆستە وزارییەكانی كابینەی نوێی حكومەتی هەرێم و هاوكات پەسەندركدن و یەكخستنی ئەو ڕەشنوسەی شاندی هەردوولا ئامادەیان كردبوو بۆ بەشداریكردنیان لە حكومەت.
بەگوێرەی ئەو زانیارییانەی كە دەست SNNكەوتوون ئەوە خراوەتەڕوو، وابڕیارە سبەی سێ شەممە كۆبوونەوەیەكی گرنگ لە نێوان شاندی باڵای دانوستانكاری پارتی و یەكێتی بەڕێوەبچێت، لەو كۆبوونەوەیەدا هەردوولا بچنە ناو وردەكاری داواكارییەكانیان لەبارەی دابەشكاری پۆستە باڵاكان لەكابینەی نوێی حكومەتی هەرێم.
ئاماژە بەوەشكراوە، هەر لە كۆبوونەوەكەی سبەی، ئەو ڕەشنوسەی كە پێشتر لەلایەن شاندی دانوستانكاری هەردوولا لەدوای چەندین كۆبوونەوە ئامادەیان كردبوو یەكدەخرێت و دەكرێتە یەك پاكێج، ئەوەش لە پێناو خێرا یەكلاكردنەوەی پۆستەكان و زوو پێكهێنانی كابینەی نوێی حكومەت.
هەر لە زانیارییەكانی SNNئەوەش هاتووە، گفتوگۆكانی نێوان یەكێتی و پارتی بۆ پێكهێنانی كابینەی نوێ بۆ دابەشكردنی پۆستەكان، بەسەر سێ ستوون دابەشدەكرێن، ستونێك تایبەت بە پۆستەباڵاكانی وەك سەرۆكی هەرێم و جێگرەكانی لەگەڵ سەرۆكی هەرێم و جێگرەكە، سنونی دووەمیش برتی دەبێت لە وەزارەتە سیادییەكانی وەك( ناوخۆ، پێشمەرگە، دارایی و سامانە سروشتییەكان) هاوكات سنوری سێەمیش برتی دەبێت لە وەزارەتە خزمەتگوزارییەكان.
