کاتی ناردنی مووچەی مانگی چوار لە لایەن بەغداوە بۆ هەرێمی کوردستان راگەیەندرا

SNN-

سەرچاوەیەكی ئاگادار لە بەغدا رایگەیاندد، وەزارەتی دارایی هەرێم لە ئێستادا سەرقاڵی ئامادەکردنی لیستی مووچەیە و بەمنزیکانە دەینێرێت بۆ حکومەتی بەغدا،لەدوای 25ی نیسانەوە حکومەتی عێراقیش بڕی 950 ملیار دینار وەک مووچە بۆ فەرمانبەرانی هەرێم بۆ مانگی نیسان دەنێرێت.

سەرچاوەیەكی ئاگادار بە (بغداد الیوم)ی ڕاگەیاندووە:”ئێستا لایەنە پەیوەندیدارەکان لە وەزارەتی دارایی هەرێم سەرقاڵی ئامادەکردنی لیستی مووچەن، وەک ئامادەکارییەک بۆ ناردنی بۆ بەغدا لە ماوەی چەند ڕۆژی داهاتودا”.

ئاماژەی بەوەشکردووە: بەغدا لەدوای 25ی نیسانەوە بڕی 950 ملیار دینار وەک مووچە بۆ فەرمانبەرانی هەرێم بۆ مانگی نیسان دەنێرێت، بە بەکارهێنانی هەمان میکانیزم کە لە دو مانگی ڕابردودا گیراوەتەبەر”.

دەشڵێت: نزیكەی 300 هەزار فەرمانبەر مووچەكانیان لە ڕێگەی پڕۆژەی هەژماری من-ەوە وەرگرتووە.

ئەوە لەكاتێكدایە ڕۆژی 27ـی ئازار، وەزارەتی دارایی حكومەتی هەرێمی كوردستان دەستی بە دابەشكردنی مووچەی مانگی ئازار مووچەخۆران و فەرمانبەرانی هەرێمی كوردستان كرد.