راگەیەنراوی هاوبەشی شاندنی دانوستانکاری یەکێتی و پارتی

SNN

پاش کۆبونەوەی وەفدی دانوستانکاری یەکێتی و پارتی لە راگەیەندراوێکی هاوبەشدا رایانگەیاند: “کۆبونەوەکان لەکەشێکی ئەرێنی و دۆستانەدا بەرێوەچووەو هەنگاوی ئیجابی و بەرەوپێشچون لە پرسی پێکهێنانی کابینەی نوێی حکومەتی هەرێم هەبووە”.

دوای ئەوەی ئەمڕۆ سێشەممە 15-4-2025 لەبارەگای مەکتەبی سیاسی پارتی دیموکراتی کوردستان لە پیرمام هەردوو وەفدی  دانوستانکاری یەکێتیی نیشتمانیی کوردستان و پارتی دیموکراتی کوردستان کۆبونەوە، لە راگەیەندراوێکی هاوبەشدا بۆ رای گشتی رایانگەیاند: “لە کۆبونەوەکەدا کەلەکەشێکی دۆستانە و ئەرێنیدا بەڕێوەچوو گفتوگۆ لەبارەی هەنگاوەکانی پێکهێنانی کابینەی نوێی حکومەت کرا و هەنگاوی ئیجابی و بەرەوپێشچونی باش هەبووە”.

هەر لە راگەیەندراوەکەدا ئاماژە بەوە کراوە کە لە رۆژانیی داهاتوودا کۆبونەوەکان بەردەوام دەبن بۆ لێکتێگەیشتنی زیاتر.