دوو حاڵەتی تای خوێنبەربوون لەكەركوك تۆماركراوە و باری تەندروستی یەكێك لەتوشبووەكان ناجێگیرە

SNN-عەلی حەمە سەعید

بەهۆی تووشبوونیان بە نەخۆشی تای خوێبنبەربوون، دوو هاووڵاتی سنوری پارێزگای كەركوك ڕەوانەی نەخۆشخانەی گشتی كەركوك كراون، هاوكات هەردوو توشبووەكە لەڕەگەزی نێرن و باری تەندروستی یەكێكیان ناجێگیرە.

بەگوێرەی بەدواداچوونەكانی SNNماوەی چەند ڕۆژێكە دوو هاووڵاتی سنوری پارێزگای كەركوك بەهۆی توشبوونیان بە نەخۆشی تای خوێنبەربوون لە نەخۆشخانەی گشتی كەركوك خەوێندراون، بەجۆرێك یەكێك لە توشبووەكان دانیشتووی قەزای تازەیە لە سنوری كەركوك و ئەوی دیكەشیان دانیشتووی داقووقە لە سنوری كەركوك.

ئاماژە بەوەشكراوە،هەردوو توشبووەكە پیاون، پیشەی یەكێكیان گۆشتفرۆشە و ئەوی دیكەشیان ئاژەڵدارە، هاوكات باری تەندروستی یەكێك لەو توشبووانە ناجێگیرە و هەردووكیشیان لە نەخۆشخانەی گشتی كەركوك خوێندراون.

هەر لە بەدواداچوونەكانی SNNئەوەشهاتووە كە تەندروستی كەركوك ڕێوشوێنی پێویستی گرتووەتە بەر بۆ ئەوەی حاڵەتەكانی توشبوون بەو جۆرە نەخۆشییە پەرەنەسێنێت و بتواندرێت بەخێرایی كۆنترۆڵ بكرێت، بۆ ئەومەبەستەش ڕێنمایی پێویست دراوە بە ئاژەڵدار و گۆشتفراشانی سنورەكە.