ئەندامێكی لیژنەی دارایی: هیچ گرفتێك لەبەردەم مووچەی ئەم مانگە و مانگەكانی داهاتووش نییە

SNN-عەلی حەمەسەعید

ئەندامێكی لیژنەی دارایی لە ئەنجومەنی نوێنەرانی عێراق رایگەیاند، لە ڕابردوودا بەشێكی زۆری گرفتە سیاسییەكان چارەسەركراون و ئێستا هیچ گرفتێك لەبەردەم مووچەی ئەم مانگە و مانگەكانی داهاتووی فەرمانبەرانی هەرێمدا نەماوە.

د.نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق بە SNNی ڕاگەیاند:لەماوەكانی ڕابردوودا بەشێكی زۆری گرفتە سیاسییەكان چارەسەركراون و ئێستا هیچ گرفتێك لەبەردەم مووچەی ئەم مانگە و مانگەكانی داهاتووی فەرمانبەرانی هەرێمدا نەماوە.

ئاماژەی بەوەشكرد، دەبێت حكومەتی عێراق پارەی پێویستی مووچەی مووچەخۆرانی هەرێم بنێرێت، لەبەرامبەریشدا دەبێت داتای لیستی مووچە، كە هەرێم بۆ بەغدادی دەنێرێت راست و دروست بێت و هاوكات میزان موراجەعە و داهاتی ناوخۆش بگەڕێنێتەوە بۆ بەغدا.

ئەو ئەندامەی لیژنەی دارایی لە ئەنجومەنی نوێنەرانی عێراق ئەوەشی خستەڕوو، هاوشێوەی مانگەكانی ڕابردوو لەدوای 18 ی مانگەوە وەزارەتی دارایی عێراق دەستدەكات بە تەمویلكردنی پارەی وەزارەتەكان بۆ دابەشكردنی مووچە، بۆیە دەبێت تا كۆتایی ئەم مانگە دەستبكرێت بە ناردنی پارە بۆ فەرمانبەرانی هەرێم.