ئەمڕۆ لیستی مووچەی مانگی چوار و داهاتی نانەوتی رادەستی بەغدا دەکرێت

SNN-

سەرچاوەیەک لە وەزارەتی دارایی و ئابوری حکومەتی هەرێمی کوردستان رایگەیاند، ئەمڕۆ لیستی مووچەی مانگی چواری مووچەخۆران و نیوەی داهاتی نانەوتی هەرێم رادەستی وەزارەتی دارایی عێراق دەكرێت.

وتیشی، وەفدێكی وەزارەتی دارایی هەرێم لە بەغدادە و ئەمڕۆ لیستی مووچەی مانگی چوار و نیوەی داهاتی نانەوتی هەرێم رادەستی وەزارەتی دارایی عێراق دەكەن.

ئەو سەرچاوە باسی لەوەشكرد، هیچ كێشەیەك لە لیستی مووچەدا نییە، چونكە لەسەر بنەمای مانگەكانی رابردوو ئامادەكراوە، دوای وردبینی و دابەشكردنی مووچەی مووچەخۆرانی عێراق، بەغدا مووچەش بۆ هەرێمی کوردستان دەنێرێت.