SNN وردەكای پشت هۆكاری دەستگیركردنی ڕاكان جبوری ئاشكرا دەكات
راکان جبوری
SNN-عەلی حەمە سەعید
پەرلەمانتارێكی یەكێتی ئاماژە بەوەدەكات لەسەر دۆسیەی خراپ بەكارهێنانی دەستەڵات بۆ بەرژەوەندی تایبەتی خۆی و هاوكات ئاشكرا بوونی چەندین دۆسیەی گەندەڵی لەسەری، لەسەر داوای ئێمە پارێزگاری پێشووی كەركوك لە بەغدا دەستگیركراوە.
دیلان غەفور، نوێنەری كەركوك لە پەرلەمانی عێراق و پەرلەمانتاری فراكسیۆنی یەكێتی بە SNNی ڕاگەیاند: دوای ئەوەی لەماوەكانی ڕابردوودا ئێمە وەك پەرلەمانتارانی یەكێتی چەندین سكاڵامان لە لایەنە پەیوەندیدارەكان لەسەر ( ڕاكان جبوری) پارێزگاری سەپێندراوی پێشووتری كەرك تۆماركرد، دواجار ئەمڕۆ لەشاری بەغداد ناو براو دەستگیركراوە.
ئاماژەی بەوەشكرد، بەبڕیاری 340 ی یاسای سزادانی عێراقی دەستگیراوە، لەسەر خراپ بەكارهێنانی دەستەڵات، هاوكات پێشتریش لیژنەیەكی تایبەتی ئەنجومەنی وەزیران لەسەر هەمان بابەتە پێكهێندراوە لیژنەكە ناوبراویان تۆمەتبار كردووە بە كەمتەرخەم لە ڕاپەڕاندنی كارەكانی، هاوكات لەسەر دۆسیەی گەندەڵی كە هەندێك لە فەرمانبەرانی پاریزگا بڕیاری دوورخستنەوەیان بۆ دەرچوو بوو بەڵام بە فەرمانی ناوبراو بەردەوام بوون لەسەر كارەكانیان.
ئەو ئەندامەی ئەندامی ئەنجومەنی نوێنەرانی عێراق ئەوەشی ڕوونكردەوە، هەر لەسەر سكاڵای ئێمە یەكێكی دیكە لەو دۆسیانەی لەسەری هەیە برتیە لەوەی كە فڕۆكەیەكی توركیا هاوكاری هێناوەتە كەركوك، بەڵام بەبێ ئاگاداركردنەوەی هیچ لایەنێك ئەو هاوكارییانە وەرگیراون و نازاندرێت هاوكارییەكان چی بوون و بەكێ دراون.
