ئەحمەد شەرع بە فەرمی وەڵامی داواکارییەکانی ئەمریکا دەداتەوە

SNN

سوریا بە نوسراو وەڵامی لیستی مەرجەکانی ئەمریکای داوەتەوە بۆ ئەگەری لابردنی بەشێکی سزاکان و ڕایگەیاندوە، زۆربەیانی جێبەجێ کردووە بەڵام هەندێکی دیکە پێویستیان بە “تێگەیشتنی هاوبەش” لەگەڵ واشنتن هه‌یه‌، ئه‌وه‌ش ڕۆیتەرز كه‌ کۆپییەکی نامەکەی به‌ده‌ستگه‌یشتوه‌.

لە مانگی ئازاری ڕابردوودا ئەمریکا لیستی هەشت مەرجی پێشکەش بە سوریا کرد کە دەیەوێت دیمەشق جێبەجێی بکات، لەوانە لەناوبردنی هەر کۆگایەکی چەکی کیمیایی کە مابێتەوە و دڵنیابون لەوەی کە چه‌كداره‌ بیانییەکان پۆستی سەرکردایەتی لە حکومەتدا پێنەدرێت.

لە نامەکەدا دیمەشق دووپاتی کردەوە کە پابەندی زۆربەی مەرجەکانی سوککردنی سزاکانی ئەمریکا بووە و بەدوای لێکتێگەیشتنی هاوبەشدا دەگەڕێت لەسەر پرسە هەڵپەسێردراوەکان، سوریا لیژنەیەک بۆ چاودێریکردنی چالاکییەکانی کوتلە فەڵەستینییەکان لەو وڵاتە پێکدەهێنێت و بەدوای گفتوگۆی زیاتردا دەگەڕێت لەسەر ئەو بابەتە.

هەروەها بەگوێرەی ئاژانسی ڕۆیتەرز، سوریا ڕایگەیاندووە، “نابێتە مەترسی لەسەر هیچ لایەنێک بە ئیسرائیلیشەوە”.