دوای ئەوەی وتی “حەز دەکەم ببم بە پاپا” ترەمپ ئەم وێنەیەی بڵاوکردەوە

SNN

دوای ئەوەی وتی “حەز دەکەم ببم بە پاپا” دۆناڵد ترەمپ سەرۆکی ئەمریکا، لە تۆڕی کۆمەڵایەتی ئینستاگرامی تایبەت بەخۆی، ئەم وێنەیەی بڵاوکردەوە بە جلوبەرگی پاپاوە.

بڵاوبوونەوەی وێنەکەی ترەمپ. کاردانەوەی جیاوازی بەدوای خۆیدا هێنا و بەشێک وەک گاڵتەجار کۆمێنتیان بۆ نوسیبوو، کەسانێکی دیکەش پشتگیری ناوبراویان دەکرد و ئاماژەیان بەوە کرد کە دەبێت “پاپا خاوەن پێگەی خۆی و بڕیار و دەسەڵات بێت”.

ئەم وێنەیەی دۆناڵد ترەمپ لەکاتێکدا دێت کە، هەفتەی رابردوو لە کۆنگرەیەکی رۆژنامەوانیدا پرسیار لە ترەمپ کرا کە ئایا بەرای ئەو کێ کاندیدی بەهێز بۆ شوێنگرەوەی “پاپا فرانسیس” دوای کۆچی دواییەکەی، ترەمپ لە وەڵامدا وتی “حەز دەکەم من ببمە پاپا”.