داوایەکی بەپەلە لە کارمەندانی تەندروستی راپەڕین دەکرێت

SNN-محەمەد مستەفا

داوا لەسەرجەم کارمەندانی تەندروستی راپەڕین دەکرێت کە هیچ دەرمان و چارەسەرێک نەدەن بەو نەخۆشانەی کە گومانی هەبوونی نیشانەکانی نەخۆشی کۆڕۆنایان لێ دەکرێت .

تەها محەمەد بەرپرسی بەشی راگەیاندنی تەندروستی راپەڕین بە SNN ی راگەیاند: سەندیکای کارمەندانی تەندروستی لقی راپەڕین داوایەکی بەپەلەی ئاڕاستەی سەرجەم کارمەندانی تەندروستی کردووە کە هیچ دەرمان و چارەسەرێک نەدەن بەو نەخۆشانەی کە هەڵامەت یاخود نیشانەکانی ڤایرۆسی کۆڕۆنایان هەیە .

وتیشی: “بەهۆی بڵاوبوونەی ڤایرۆسی کۆرۆنا لە سنوری قەزای ڕانیە، ئەو کەسانەی کە هەڵامەت و کۆکە و تەنگەنەفەسیان هەیە گومان دەکرێت توشی ڤایرۆسەکە بووبن چونکە لە ماوەی سێ رۆژی رابردوو لە سنوری  قەزاکە 8 کەس توشی ڤایرۆسەکە بوون “.

باسی لەوەشکرد: ئامانجی ئەم داوایەش بۆ ئەوەیە کە ئەو هاوڵاتیانەی هەڵامەت یا نیشانەکانی کۆرۆنایان هەیە هیچ دەرمانێکی پێش وەختەیان پێ نەدرێت و پێویستە تیمە تەندروستیەکانی ڕاپەڕین ئاگادار بکرێنەوە بۆ ئەوەی پشکنینی ڤایرۆسەکەیان بۆ بکرێت .