بەرپرسێکى وەزارەتى دارایی هەرێم: هەر پارەکە گەیشت لیستەکە بڵاودەکەینەوە و مووچە دابەشدەکەین

SNN-

وەزارەتی دارایی و ئابووری هەرێمى کوردستان لیستی مووچەی ئامادەکردووە و چاوەڕێی وەزارەتی دارایی عێراق دەکات ئەمڕۆ مووچەی مانگی چوار بنێرێت، بەڵام تائێستا ئاگادارنەکراوەتەوە کەى دەینێرێت.

ئاماژە بەوەشکراوە، ئەگەر تاوەکو نیوەڕۆی ئەمڕۆ هیچ هەواڵێک لەبارەى ناردنى پارەکە نەگات بە وەزارەتى دارایی، پاشنیوەڕۆ شاندى تەکنیکى وەزارەتەکە دەچێتەوە بۆ بەغدا، بۆئەوەى هۆکارى نەناردنى بزانێت.

هاوکات بەرپرسێکى باڵاى وەزارەتى دارایی هەرێم رایگەیاند، هیچ کێشەیەک لە بەردەم ناردنی مووچە نابینین، چونکە پێشتر محەمەد شیاع سودانی، سەرۆکوەزیران رەزامەندی داوە، ئیدى ناردنی پێویستی بە واژۆی تەیف سامی، وەزیرى دارایی نەماوە و لیستی دابەشکردنى مووچەشمان ئامادەکردووە، هەر کە پارەکە گەیشت لیستەکە بڵاودەکەینەوە و مووچە دابەشدەکەین.