SNN-
ئەمڕۆ یەكشەممە لە رێوڕەسمێکدا نەژاد عەبدوڵا، کە رۆژی 31ی نیسان وەکوو بەڕێوەبەری گشتی پەروەردەی سلێمانی، لە شوێنی دڵشاد عومەر، دەستنیشانکرابوو، دەستبەکار بوو.
رێوڕەسمەکە بەیانیی ئەمڕۆ بە ئامادەبوونی نوێنەری نووسینگەی قوباد تاڵەبانی، جێگری سەرۆک وەزیرانی هەرێم و هەڤاڵ ئەبوبەکر، پارێزگاری سلێمانی و شاهۆ عوسمان، جێگری پارێزگاری سلێمانی و ژمارەیەک لە بەرپرسانی کەرتی پەروەردە بەڕێوەچوو.
لە رێوڕەسمەکەدا فەرمانی دەستبەکاربوون بەخشرایە نەژاد عەبدوڵا، وەک بەڕێوەبەری گشتیی نوێی پەروەردەی سلێمانی، ئەمەش دوای خانەنشین بوونی مامۆستا دڵشاد عومەر، بەڕێوەبەری گشتیی پێشووی پەروەردەی سلێمانی.
