ئەمڕۆ ئەنجوومەنی نوێنەرانی عێراق کۆدەبێتەوە

SNN

وابڕیارە ئەمڕۆ ئەنجوومەنی نوێنەرانی عێراق کۆبوونەوەی ئاسایی خۆی دەستپێبکات و خوێندنەوە و دەنگدان بۆ 14 پڕۆژە یاسا بکات.

ئەمڕۆ دووشەممە 5ی ئایار، ئەنجومەنی نوێنەرانی عیراق كۆدەبێتەوە و خوێندنەوە و دەنگدان بۆ 14 پرۆژە یاسا دەكات، بەگوێرەی كارنامەی دانیشتنەکەی ئەمڕۆ، خوێندنەوەی یەكەم بۆ هەمواری یەكەمی یاسای پاراستنی مامۆستا  و سەرپەرشتیار  و رێبەرانی پەروەردەیی دەكرێت.

هاوکات، خوێندنەوەی دووەمیش بۆ پێشنیازە یاسای باشتركردنی ژینگە و پێشنیازی هەمواری یاسای ئەنجوومەنی نوێنەران دەكرێت.

هەر بەگوێرەی كارنامەی دانیشتنی دووسبەی سبەی سێ شەممە خوێندەوەی دووەم بۆ پێشنیازە یاسای هەمواری یەكەمی یاسای دەستە نیشتمانییەكان بۆ چاودێریی ئەتۆمی و تیشكدانەوە و كیمیایی و بایۆلۆجی دەكرێت.

لە كارنامەكەدا خوێندنەوەی دووەم بۆ پرۆژە یاسای بە ئەندامبوونی عێراق لە رێككەوتنامەی پاراستنی ماددە ئەتۆمییەكان جێگیركراوە و خوێندەوەی دووەمیش بۆ هەمواری سێیەمی یاسای قەرەبوی ئەو كەسانە دەكرێت كە بەشێكی جەستەیان لە دەرئەنجامی سیاسیەتەكانی رژێمی بەعس لە دەستداوە.