سەرۆکایەتی شارەوانی سلێمانی بۆ دواجار پیشەوەران ئاگادار دەکات

SNN

سەرۆکایەتیی شارەوانیی سلێمانی پیشەوەرانی ناوچەی پیشەسازیی دوو ئاگادار ده‌كاته‌وه‌ و داوایان لێده‌كات له‌ماوه‌ی سێ ڕۆژدا سه‌ردانی بەشی موڵکایەتی بکەن.

ئەمڕۆ دووشەممە 5ی ئایار، سەرۆکایەتیی شارەوانیی سلێمانی رایگەیاند، بۆ دواجار ئاگاداری پیشەوەرانی ناوچەی پیشەسازیی دوو کەرتی (5)ـی هوانە ده‌كه‌ین، ئەوانەی گرێبەستی بەکرێدانیان کۆتایی هاتووە لەماوەی سێ ڕۆژدا سەردانی سەرۆکایەتیی شارەوانیی سلێمانی/ بەشی موڵکایەتی بکەن بەمەبەستی نوێکردنەوەی گرێبەستەکانیان”.

ئاماژه‌ی به‌وه‌شكردووه‌، نوێكردنه‌وه‌ی گرێبه‌سته‌كه‌ پاڵپشت بە ماددەی (23) بڕگەی سێیەم لە یاسای ژمارە (1)ـی ساڵی 2021 ده‌بێت، هۆشداریش ده‌دات له‌وه‌ی ڕێکاری یاسایی لە دژیان دەگیرێتەبەر ئه‌گه‌ر خاوه‌ن دوكانه‌كان گرێبه‌سته‌كانیان نوێ نه‌كه‌نه‌وه‌.