دادگای فیدراڵیی عێراق لەبارەی بەپارێزگاکردنی هەڵەبجە بڕیاری دا

SNN-

دادگاى باڵای فیدراڵیى عێراق سکاڵاى ژمارەیەک پەرلەمانتارى رەتکردەوە بۆ دەرکردنی فەرمانی سالاری بۆ راگرتنی کارکردن بە یاسای بەپارێزگاکردنی هەڵەبجە.

دواى ئەوەى پەرلەمانى عێراق بڕیاری بەپارێزگاکردنی هەڵەبجەی دا و سەرۆککۆمارى عێراق واژۆى کرد، پێنج پەرلەمانتار سکاڵایەکیان لە دادگای فیدراڵى تۆمارکرد و داوایان کرد فەرمانێکی سالاری دەربکات بۆ رێگریکردن لە کارکردن بەو یاسایە، چونکە بە بڕوای ئەوان، دانیشتنەکە نایاسایی بووە و رێژەى یاسایى پەرلەمانتاران تێیدا ئامادە نەبوون.

دادگاى فیدراڵیى عێراق لە وەڵامى ئەو پەرلەمانتارانەدا رایگەیاندووە، بە گوێرەی یاسای دادگاکە، دەرکردنی فەرمانی سالاری لەسەر بنەمای مەرج و بنەمای دیاریکراوە، لەم دۆسیەیەشدا بە پێویستی نازانێت فەرمانێکی وەلائی دەربکات و بڕیارێکی لەو شێوەیە بە واتای داننان دێت بە سکاڵاکەدا بێ تاوتوێکردنی تەواوەتی.

ئەمەش لەدوای ئەوەدێت، رۆژى 14ی نیسان ئەنجوومەنى نوێنەرانى عێراق پرۆژەیاساى بە پارێزگاکردنى هەڵەبجەى پەسەندکرد و رۆژى 29ی نیسان سەرۆککۆمار یاساکەى پەسەندکرد.