ئەنجومەنی وەزیرانی عێراق لە كۆبوونەوەدایە و ئەگەر هەیە بڕیار لەسەر مووچەی هەرێم بدرێت

SNN-عەلی حەمە سەعید
لەگەڵ ئەوەی كۆبوونەوەی ئەنجومەنی وەزیرانی عێراق ڕۆژانی سێ‌ شەممە ئەنجام دەدرێت، بەڵام بەهۆی نزیك بوونەوە لە بەستنی لوتكەی وڵاتانی عەرەبی لە بەغدا، كۆبوونەوەكە بۆ ئەمڕۆ یەك شەممە پێشخراوە، پێشبینش دەكرێت ئەمڕۆ بڕیار لەسەر مووچەی هەرێم بدرێت.

بەگوێرەی ئەو زانیارییانەی دەست SNNكەوتوون ئەوە خراوەتەڕوو، لە ئێستادا ئەنجومەنی وەزیرانی عێراق بە سەرۆكایەتی( محەمەدشیاع سودانی) سەرۆك وەزیران و وەزیرە كوردەكان لە كۆبوونەوەدان، ئەوەش وەك تەواوكردنی كئتا ئامادەكارییەكان بۆ بەستنی لوتكەی وڵاتانی عەرەبی كە وابڕیارە لە 17ی ئەم مانگە لە بەغدا بەڕێوە بچێت.

ئاماژەی بەوەشكرد، ئەنجومەنی وەزیرانی عێراق هەفتانە لە ڕۆژانی سێ‌ شەممە كۆبوونەوەی ئاسایی خۆی بەڕێوە دەبات، بەڵام ئەم هەفتەیە پێشخراوە بۆ ئەوەی لە هەفتەی داهاتوو كاتی ئەوە نییە كۆبوونەوەی ئەنجومەنی وەزیران لەكاتی خۆیدا بەڕێوەبچێت و ئیش و كاری سەرۆك وەزیران و وەزیرەكان زۆر دەبێت.