ئەمەریکا و چین گەیشتنە رێککەوتن

SNN-

نوێنەری بازرگانی ئەمریکا رایگەیاند، لەبارەی ڕاگرتنی باجی گومرگی لەگەڵ چین ڕێککەوتوون، جێگری سەرۆكوەزیرانی چینیش دەڵێت، میکانیزمێكی نوێیان بۆ ڕاوێژکاری ئابووری و بازرگانی دەستپێکردووە.

جیمیسن گریر نوێنەری بازرگانی ئەمریکا رایگەیاند، لە دوو رۆژی رابردوودا دو کۆبونەوەی ئەرێنییان لەگەڵ چین ئەنجامداوە، و لەبارەی ڕاگرتنی باجی گومرگی سەر کاڵا چینییەکان گەیشتونەتە ڕێککەوتون.

ئاماژەی بەوەشکردووە، مانگی رابردوو بەهۆی کورتهێنانی زۆری بازرگانی، سەرۆکی ئەمریکا ئەو ڕێژە باجە گومرگییەی سەپاند بەسەر چین، بەڵام بە ڕێککەوتنەکەیان کێشەی کورتهێنان چارەسەر دەکرێت.

هاوکات، های لایفینگ جێگری سەرۆك وەزیرانی چین لەم بارەیەوە دەڵێت، لەگەڵ ئەمریکا میکانیزمێكی نوێیان بۆ ڕاوێژکاری لەبارەی ئابووری و بازرگانی دەست پێکردووە.

دەشڵێت، “ئامانجی هەردوو وڵات چارەسەرکردنی ناکۆکییەکانە لەڕێگای گفتوگۆ و ڕاوێژکاری هاوبەشەوە، لێكتێگەیشتنی باش لەبارەی بازرگانیی لە نێوانیاندا هەبووە.”