حەج
SNN-
بۆ ئەنجامدانی فەریزەی حەجی ئەمساڵ ،پێنج هەزار و 136 هاووڵاتی هەرێمی كوردستان لە رێگەی وشكانی و ئاسمانییەوە سەردانی وڵاتی سعودیە دەكەن، لەو ژمارەیەش تائێستاش چوار هەزار و 685 هاووڵاتی بۆ بەجێهێنانی فەریزەی حەج بەرەو سعودیە بەڕێكەوتوون.
لەو بارەیەوە بەرێوەبەرایەتی حەج و عومرەی هەرێمی كوردستان لەراگەیەندراوێكدا رایگەیاند، حكومەتی هەرێم بە بڕی چوار ملیار و 200 ملیۆن دینار پاڵپشتی پرۆسەی حەجی ئەمساڵ دەكات تا تێچووی حەج لەسەر هاووڵاتیان كەم بكرێتەوە.
ئاماژەی بەوەشکردووە، رۆژانی 16 و 17ی ئەم مانگە هاووڵاتیانی كوردستان بەرێگای وشكانی بەرێكەوتوون كە ژمارەیان هەزار و 645 حاجییە و رۆژی 19ی ئەم مانگەش یەكەم كاروانی هاووڵاتیانی كوردستان بەرێگەی ئاسمانی لە رێگەی هەردوو فرۆكەخانەی .نێودەوڵەتی هەولێر و سلێمانییەوە بەرەو سعودیە بەرێكەوتوون كە ژمارەیان سێ هەزار و 491 حاجیە و پرۆسەكەش تا 28 ی ئەم مانگە بەردەوام دەبێت
