وەزارەتی نەوتی عێراق داهاتی مانگێكی ئاشکرادەکات

SNN-

وەزارەتی نەوتی عێراق داهاتی هەناردەکردنی نەوتی بۆ مانگی نیسانی ئەمساڵی بڵاوکردەوە بەپێی ئامارەکە، “100 ملیۆن و 953 هه‌زار و 282 به‌رمیل هەناردەکراوە.”

لە راگەیەندراوێکدا وەزارەتی نەوتی عێراق رایگەیاند، “لەمانگی رابردوو (نیسان) بەپێی ئاماری کۆتایی کۆمپانیای بەبازاڕکردنی نەوتی عێراق (سۆمۆ)، بڕی هەناردەکردنی نەوت 100 ملیۆن و 953 هه‌زار و 282 به‌رمیل بووە و داهاته‌كه‌شی زیاتر له‌ شه‌ش ملیار و 738 ملیۆن و 309 هه‌زار دۆلار بووه‌.”

ئاماژە بەوەشکراوە، “كۆی گشتی بڕی هه‌نارده‌ی نه‌وتی خاو له‌ كێڵگه‌ نه‌وتییه‌كانی ناوه‌ڕاست و باشووری عێراق 99 ملیۆن و 752 هه‌زار و 879 به‌رمیل بووه‌، هاوكات هه‌نارده‌ی كێڵگه‌ی گه‌یاره‌ 900 هه‌زار و 584 به‌رمیل بوه‌، هەروەها بڕی هه‌نارده‌كردنی نه‌وت بۆ ئوردن 299 هه‌زار و 819 به‌رمیل بووه‌.”