SNN-
لە شاری لیڤەرپووڵی بەریتانیا ئۆتۆمبێلێک خۆی کرد بەنێو ئاهەنگێکی هاندەراندا و کە هەواداران بەبۆنەی سەرکەوتنی یانەکەیان لە خولی پریمیەر لیگ سازیان کردبوو، بەهۆیەوە 53 کەس بریندار بوون کە لەناویاندا منداڵ هەیە.
پۆلیسی مێرسیساید رایگەیاند، چەندین کەس لەم روداوەدا برینداربوون و شۆفێرەکە دەستگیر کراوە و لێکۆڵینەوە لە روداوەکە دەستیپێکردووە.
بە پێی زانیارییەکانی پۆلیسی ئەو وڵاتە، شۆفێرەکە پیاوێکی 53 ساڵەیە و خەڵکی لیڤەرپوولە، بەڵام پۆلیس هیچ زانیارییەکی دیکەی لەسەر ناسنامەکەی بڵاونەکردووەتەوە.
هاوکات، کیەر ستامەر، سەرۆکوەزیرانی بەریتانیا، روداوەکە بە “مەترسیدار” ناودەبات و دەڵێت، “دەمەوێت سوپاسی پۆلیس و تیمەکانی فریاکەوتن بکەم بۆ وەڵامدانەوەی خێرا و بەردەوامیان بۆ ئەم روداوە شۆکهێنەرە.”
هەروەها پۆلیسی ئەو وڵاتە داوا لە هاوڵاتییان دەکات، زانیاری و ڤیدیۆی دڵتەزێن بڵاونەکەنەوە، هەر زانیارییەکیش لەبارەی رووداوەکە دەزانن پەیوەندییان پێوە بکەن.
رووداوەکە لەکاتێکدا روویدا کە هاندەرانی یانەی لیڤەرپوول بەبۆنەی سەرکەوتنی یانەکەیان لە خولی ئینگلیزی کۆ بوونەتەوە بۆ ئاهەنگ گێڕان.
