وادەی تۆماركردنی كارمەندانی كۆمیسیۆن بۆ چاودێری هەڵبژاردن دیاریكرا
جومانە غەلای، وتەبێژی كۆمسیۆنی باڵای سەربەخۆی هەڵبژاردنەكانی عێراق | فۆتۆ: كۆمسیۆن
SNN-عەلی حەمە سەعید
وتەبێژی كۆمیسیۆنی باڵای سەربەخۆی هەڵبژاردنەكانی عێراق ئاشكراید كە ڕۆژی سێشەممەی هەفتەی داهاتوو، دەستدەكەن بە تۆماركردنی ناوی ئەو فەرمانبەر و مامۆستا و دەرچووانەی زانكۆ و پەیمانگاكان كە دەیانەوێت وەك چاودێری ڕۆژی هەڵبژاردن خۆیان تۆمار بكەن.
جمانە غەلای، وتەبێژی كۆمیسیۆنی باڵای سەربەخۆی هەڵبژاردنەكانی عێراق بە SNNی ڕاگەیاند: ئەنجومەنی كۆمیسیاران لیژنەیەكی تایبەتی پێكهێنا بۆ چۆنیەتی وەرگرتن و تۆماركردنی ناوی ئەو كەسانەی كە خوازریان بۆ ڕۆژی هەلبژاردن وەك چاودێر و كارمەندی كۆمیسیۆن خۆیان ترمار بكەن.
ئاماژەی بەوەشكرد، لیژنەكەی كە پێكهێندراوە بڕیاریدا كە ڕۆژی سێ شەممەی هەفتەی داهاتوو، دەیتبكەن بە تۆماركردنی ناوی ئەو مامۆستا و فەرمانبەر و دەرچووانەی زانكۆ و پەیمانگاكان كە خوازیارن بۆ ڕۆژی هەڵبژاردن وەك كارمەندی كۆمیسیۆن سەرپەرشتی پرۆسەی هەڵبژاردن بكەن.
وتەبێژەكەی كۆمیسۆن ئەوەشی خستەڕوو، پێویستمان بە 300 هەزار كارمەندە بۆ ئیدارەدانی پرسەكە و ئەوانیش دەرچووی زانكۆ و پەیمانگاكان، لەگەڵ فەرمانبەرانی دەوڵەت دەبن، هەروەها ئەو كارمەندانە لەلایەن كۆمیسیۆنەوە خولی راهێنانیان پێدەدرێت و فێری چۆنییەتی بەكارهێنانی سیستمەكە دەكرێن.
