دادگای فیدراڵی سکاڵایەکی دژی بە پارێزگابوونی هەڵەبجە رەتکردەوە

SNN

دادگای باڵای فیدراڵیی عیراق داواکارییەکی ئەمیر مەعمووری، پەرلەمانتاری سەربەخۆی رەتکردەوە بۆ راگرتنی یاسا و رێوشوێنەکانی بە پارێزگابوونی هەڵەبجە.

دادگاکە ئەو بڕیارەی لە 14ــی ئایار دەرکردووە و تیایدا ئاماژەی بەوە کردووە کە داواکارییەکە شایستەی ئەوە نییە فەرمانی خێرای بۆ دەربکرێت.

29ـی نیسانی 2025 لەتیف رەشید، سەرۆک کۆماری عیراق مەرسوومی کۆماری بۆ بە پارێزگابوونی هەڵەبجە دەرکرد و 5ـی ئایار یاساکە لە رۆژنامەی وەقائیعی عیراقی بڵاوکرایەوە و چووە بواری جێبەجێکردنەوە.

سکاڵاکەی ئەو ئەندام پەرلەمانە کە پیشکەش بە دادگای فیدراڵی کرابوو دژی مەرسوومەکەی سەرۆک کۆمار بوو.