مەسعود پزیشکیان: ئامانجمان لە بەرنامە ئەتۆمییەکە خزمەتکردنی خەڵکی ئێرانە

SNN-

مەسعود پزیشکیان، سەرۆک کۆماری ئێران رایگەیاند، “ئێستا ئێران لە قۆناغێکی گرنگی پێشکەوتندایە و پەیوەندییە نێودەوڵەتییەکانمان بەرەو پێش دەچێت.”

سەرۆک کۆماری ئێران ئاماژەی بەوەشکرد، “ئەوەی بۆ هەموو جیهان پیشانداوە کە ئامانجی لە بەرنامە ئەتۆمییەکەی بۆ خزمەتکردنی خەڵکی ئێرانە.”

هاوکات لای خۆیەوە، دۆناڵد ترەمپ سەرۆکی ویلایەتە یەکگرتووەکانی ئەمریکا رایگەیاند، لەگەڵ ئێران نزیکین لە ڕێککەوتن، چونکە ئێران نایەوێت هێرشی بکرێتە سەر، بەڵکو وەک ئەمریکا ڕێککەوتنی دەوێت.

ترەمپ، وتیشی، بەبێ ئەوەی پێویست بکات ڕۆژهەڵاتی ناوەڕاست بۆمباران بکرێت، لەگەڵ ئێران ڕێک دەکەوین.

جەختیشیکردەوە، دەمەوێت ئێران پارێزراو بێت و نەتەوەیەکی سەرکەتوویان هەبێت، بەڵام نابێت چەکی ئەتۆمییان هەبێت، ئەم بابەتەشمان لەگەڵ ئەوان یەکلا کردووەتەوە.

ئەمەش لە کاتێکدایە، لەسەردەمی سەرۆکایەتی دۆناڵد ترەمپدا، ئێران وەک ئامانجێکی بەردەوام پێشکەشکراوە، نەک تەنها لەڕێگەی سزاکانەوە، بەڵکو لەڕێگەی هەڕەشە سەربازییەکانیشەوە.