SNN-
دۆناڵد ترەمپ، سەرۆكی ئەمریكا سەبارەت بەو گرتە ڤیدیۆییەی كە وادەرەدەكەوێت ئیمانوێل ماكرۆنی سەرۆكی فەرەنسا لەلایەن ھاوسەرەكەیەوە زلەیەكی لێبدرێت دەڵێت، “من قسەم لەگەڵیاندا كرد، ئەوان دوو كەسی باشن و نێوانیان باشە، نازانم ئەو روداوە لەسەر چی بوو.”
سەرۆكی ئەمریكا بە پێكەنینەوە دەشڵێت، “ئەم جارە سەرۆكی فەرەنسا دەبێت دڵنیابێتەوە لەوەی كە دەرگای فڕۆكەكە داخراوە.”
ئەمەش لە کاتێکدایە، هەفتەی رابردوو گرتەیەکی ڤیدیۆیی سەرۆکی فەرەنسا، ئیمانوێل ماکرۆن و هاوسەرەکەی، بریجیت، لە کاتی گەیشتنیان بۆ ڤێتنام، مشتومڕێکی بەرفراوانی لە میدیاکانی فەرەنسا و جیهاندا نایەوە، لە گرتەکەدا، وا دەردەکەوێت بریجیت ماکرۆن، پێش دابەزینیان لە فڕۆکە، “زلەیەک” لە هاوسەرەکەی دەدات، ئەمەش چەندین لێکدانەوەی جیاوازی لێکەوتۆتەوە.
هاوکات، سەرۆكی فەرەنساش رایگەیاندبوو كە ئەوەی روویداوە تەنھا گاڵتە و گەپی نێوان خۆی و ھاوسەرەكەی بووە.
