ڕۆژنامەی “شەرقولئەوسەت” هۆکاری بڕینی مووچەی فەرمانبەرانی هەرێم ئاشکرا دەکات
مووچە
SNN
ئەمڕۆ چوارشەممە، ڕۆژنامەی شەرقولئەوسەت بڵاویکردەوە کە پارتی دیموکراتی کوردستان “ئاماژی ئەرێنی” لە حکومەتی عێراقەوە پێگەیشتووە بۆ چارەسەرکردنی قەیرانی مووچەی فەرمانبەرانی هەرێمی کوردستان.
ڕۆژنامەکە ئەوەشی خستەڕوو کە محەمەد شیاع سودانی، سەرۆک وەزیران بە نیازە هادی عامری، سەرۆکی ڕێکخراوی بەدر کە یەکێکە لە سەرکردەکانی چوارچێوەی هەماهەنگی شیعەکان، بەمەبەستی چارەسەرکردنی کێشە داراییەکانی نێوان هەولێر و بەغدا بۆ هەرێمی کوردستان بنێرێت.
شەرقولئەوسەت لە زاری سەرچاوەیەکی ئاگادارەوە بڵاویکردەوە کە گرێبەستە نەوتییەکانی هەرێمی کوردستان و کۆمپانیا ئەمریکییەکان کە بەم دواییە بە بەهای 110 ملیار دۆلار واژۆ کران، هۆکاری ڕاگرتنی مووچەی فەرمانبەرانی هەرێم بووە.
