کۆمسیۆن: پێویستمان بە نزیکەی 250 هەزار کارمەند هەیە و 187 هەزار کەس ناویان پێشکەش کردووە

SNN-

کۆمسیۆنی باڵای سەربەخۆی هەڵبژاردنەکانی عێراق رایگەیاند: بۆ هەڵبژاردنی 11/11ی ئەمساڵ پێویستمان بە نزیکەی 250 هەزار کارمەند هەیە بۆ یەک رۆژ، بەڵام تا ئێستا 187هەزار کەس ناویان بۆ کارمەندی کۆمسیۆن پێشکەشکردوە.

عیماد جەمیل، سەرۆکی تیمی راگەیاندن لە کۆمسیۆنی باڵای سەربەخۆی هەڵبژاردنەکانى عێراق دەڵێت، تاوەکو ئێستا 38 هاوپەیمانێتی تۆمارکراوە و وادەکەش کۆتایی هاتووە هەروەها ماوەی پێشکەشکردنی لیستی کاندیدەکان بۆ هاوپەیمانی و حزبەکان و تاک کاندیدەکان تاوەکو 24ـی حوزەیران بەردەوامە

دەشڵێت:”پرۆسەی نوێکردنەوەی تۆماری دەنگدەران بەردەوامە و گەیشتووەتە 1,850,000 دەنگدەر و لەسەر دەنگۆى کڕینی کارتی بایۆمەتری دەنگدەر، کۆمسیۆن هیچ سکاڵا و بەڵگەیەکی لەم جۆرەی پێنەگەیشتووە و تائێستا هیچ حاڵەتێکی فرۆشتن تۆمارنەکراوە و کۆمسیۆن بەدواداچوون بۆ ئەم بابەتە دەکات و تاوەکو ئەمڕۆش تیمەکانی هیچ حاڵەتێکی کڕینی کارتیان نەسەلماندووە و تەنها دەنگۆیە”.

بڕیارە رۆژی 11/11ی ئەمساڵ هەڵبژاردنی پەرلەمانی عێراق بەڕێوەبچێت