“هەر هاوڵاتییەک شارەزایی لە سیستمی ئەلیکترۆنی فۆڕمی خۆراک نەبوو دەتوانێت سەردانی بەڕێوەبەرایەتییەکەمان بکات”

SNN-

بەڕێوەبەرایەتیی رێکخستنی پسووڵەی خۆراکی سلێمانی لە راگەیەندراوێکی بڵاوکردەوەو تێیدا هاتووە، “داوا لە هاوڵاتییان دەکەین کەمێک بەوردی مامەڵە لەگەڵ سیستمی ئەلیکترۆنیدا بکەن و سەرلەخۆیان مەشێوێنن تاوەکو تووشی هەڵە نەبن.”

ئاماژەی بەوەشکردووە، “هەر هاوڵاتییەکیش شارەزایی لە سیستمەکەدا نەبوو، دەتوانێت سەردانی بەڕێوەبەرایەتییەکەمان بکات.”

ئەمەش لە کاتێکدایە، نزیکەی سێ ساڵە سەرجەم مامەڵەکانی پەیوەست بە پسوڵەى بەشەخۆراک، وەک زیادکردنی ئەندامی نوێی خێزان و گواستنەوە و سەرجەم رێکارەکانی دیکە راگیرابوون بەهۆی بە ئەلیکترۆنیکردنی پسوڵەى بەشەخۆراکەوە، کە ئێستا لەسەرتاسەری عیراق دەستیپێکردووە و لە هەرێمی کوردستانیش زیاتر لە 859 هەزار و 617 خێزان دەبێت ناو و زانیارییەکانیان بە ئەلیکترۆنی لەرێگەی ئەپی سەر مۆبایلەکانیانەوە تۆماربکەن، لەو ژمارەیەش 537 هەزار و 434 خێزان لە سنووری پارێزگای سلێمانی و هەڵەبجەن، 494 هەزار و 480 خێزان لەپارێزگای هەولێر، 272 هەزار و 703 خێزانیش لەپارێزگای دهۆکن.