ئەمڕۆ هاوکاری دارای هاوپەیمانان دابەشدەکرێت
SNN-
بڕیارە ئەمڕۆ هاوکاریی دارایی هاوپەیمانان بەسەر ئەفسەر و پێشمەرگەدا بۆ مانگی پێنج دابەشبکرێت.
وەزارەتی پێشمەرگە رۆژی چوارشەممە 11ی حوزەیرانی 2025، بڵاویکردەوە، “هاوکاریی دارایی هاوپەیمانان بۆ مانگى پێنج تەمویلی وەزارەتی پێشمەرگە کرا.”
ئاماژەی بەوەشکردووە، دوای ئەنجامدانی رێکارەکان ئەمڕۆ پێنجشەممە دەست بە دابەشکردنی بەسەر ئەفسەر و پێشمەرگەکانی سەر بە دیوانی وەزارەت و یەکەكانى سەر بە وەزارەتی پێشمەرگەدا دەکرێت.
لە چوارچێوەی هاوکاری هاوپەیمانان بۆ هێزەکانی پێشمەرگە مانگانە بڕێک پارە بۆ هێزەکانی پێشمەرگە خەرج دەکرێت و تاوەکو 01-01-2026 پڕۆسەکە بەردەوام دەبێت.
هێزەكانی هاوپەیمانان مانگانە بڕەپارەیەك وەك هاوكاری بەسەر 50 هەزار پێشمەرگە و پلەدار و ئەفسەرانی لیوا هاوبەشەكانی پێشمەرگەی كوردستان دابەش دەكەن.
