عەباس عێراقچی: هێرشەکانی ئەمریکا بەبێ سزا تێناپەڕێت

SNN-

“ئێران مافی رەوای خۆیەتی وەڵامی ئەو پێشێلكاریانە بداتەوە کە بەرانبەری کراوە”

عەباس عێراقچی وەزیری دەرەوەی ئێران لە تۆڕی کۆمەڵایەتیی ئێکس نووسیویەتی، “ئەمریكا بە هێرشكردنە سەر دامەزراوە ئەتۆمییە ئاشتیخوازەكانی ئێران، پێشێلكارییەكی گەورەی پرێنسیپەكانی نەتەوە یەكگرتووەكان، یاسا نێودەوڵەتییەكانی ئەنجامداوە.”

راشگەیاند، “هێرشەكانی بەرەبەیانی ئەمڕۆی ئەمریكا بەبێ سزا تێناپەڕێت، پێویستە هەر ئەندامێكی نەتەوە یەكگرتووەكان بەو رەفتارە مەترسیدار و بێ یاسا و تاوانكارییەی ئەمریكا بە ئاگابێتەوە ئیدانەی بكات.”

وەزیری دەرەوەی ئێران ئاماژەی بەوەشكردووە، “بەپێی پرێنسیپەكانی نەتەوە یەكگرتووەكان و بڕگەكانی لە ئێستادا مافی رەوای ئێران خۆیەتی كە وەڵامی ئەو پێشێلكاریانە بداتەوە کە بەرانبەری کراوە، وتیشی، ئێران هەموو بژاردەكانی بۆ بەرگریكردن لە سەروەری و بەرژەوەندی گەلەکەی لەبەردەستدایە.”