“ترسى ئەوەمان هەیە ئەم ململانێیانە بەخێرایی لە کۆنتڕۆڵ دەربچێت”

SNN-

ئەنتۆنیۆ گۆتێرێش، سکرتێری گشتیی نەتەوە یەکگرتووەکان رایگەیاند، نیگەرانی قووڵی خۆمان لە هێرشەکانی ئەم بەیانییەی ئەمریکا بۆ سەر ئێران رادەگەیەنین، ئەوەی روویدا پەرەسەندنێکی مەترسیدارە بۆ سەر ئاشتی و ئاسایشی ناوچەکە.

ئاماژەی بەوەشکرد، مەترسیی ئەوەمان هەیە ئەم ململانێیانە بە خێرایی لە کۆنتڕۆڵ دەربچێت و دەرئەنجامە ترسناکەکانی بۆ خەڵکی مەدەنی ناوچەکە و جیهان بێت.

گۆتێرێش جەختیشیکردەوە، نە رێگای سەربازی و نە هیچ رێگایەکی دیکە جگە لە دیپلۆماسیەت، نابنە رێگاچارە بۆ یەکلاکردنەوەی قەیرانەکان.

ئەمەش لەکاتێکدایە، بەرەبەیانی ئەمڕۆ، ئەمریکا لە رێگەی فرۆکەی جەنگییەوە بنکە ئەتۆمییەکانی فۆردۆ، نەتەنز و ئیسفەهانی لە ئێران کردە ئامانج.