سوپای ئیسرائیل: حەوت سەربازمان لە غەززە كوژران

SNN-

بەرەبەیانی ئەمڕۆ سوپای ئیسرائیل رایگەیاند: بەهۆی تەقینەوەی بۆمبێكی چێندراو لە ناوچەی خان یونس، لە باشوری کەرتی غەززە، حەوت سەربازی ئیسرائیل کوژراون.
سوپا ئیسرائیل، ناوی شەش لەو سەربازانەی بڵاوکردەوە، هاوکات خۆیان لە بڵاوکردنەوەی ناوی حەوتەمیان بەدوور گرتووە.

سوپا ئیسرائیل ئاماژەی بەوەشکردووە، بەهۆی تەقینەوەی بۆمبێکی چێندراو لەناو ئەو زرێپۆشەی کە تێیدا بوون، سەربازەكان كوژراون.

بەپێی لێکۆڵینەوە سەرەتاییەكان، کە سوپای ئیسرائیل ئەنجامیداوە، فەلەستینییەک بۆمبێکی لەناو زرێپۆشێکی “پوما”دا چاندووە، کە سەربازەکانی تيادابووە، لەکاتی رۆیشتنیان لە ناوچەی خان یونس تەقیوەتەوە.