ئەنجوومەنی وەزیران لەبارەی مووچە کۆدەبێتەوە

SNN-

ئەنجوومەنی وەزیرانی هەرێمی کوردستان ئەمڕۆ کۆدەبێتەوە و ىریار لە دابەشکردنی مووچەی فەرمانبەران دەدات بە پێی ئەو بڕە پارەیەی لەبەردەستییەتی و بەپێی زانیارییەکان گەر دڵنیابووەوە لەوەی کە بەغدا پارە نانێرێت، بڕیاری دابەشکردنی مووچە دەدات، بەڵام بە لێبڕینەوە دابەشیدەکات.

بەگوێرەی کارنامەی کۆبوونەوەکە دوو تەوەر گفتەگۆی لەسەر دەکرێت کە بریتین لە:-

بڕگەی یەکەم:

بارودۆخی دارایی ئێستای هەرێمی کوردستان و مووچەی فەرمانبەران كە خەرجكردنی شایستە داراییەكانی هەرێمی کوردستان ڕاگیراوە و دواهەوڵەكانی چارەسەری ئەم بابەتە، تاوتوێ دەكرێت.

بڕگەی دووەم:

ڕاپۆرتی وەزارەتی كار و كاروباری كۆمەڵایەتی/ بەڕێوەبەرایەتیی گشتیی كار و دەستەبەری كۆمەڵایەتی، سەبارەت بە خانەنشینی و دەستەبەری كۆمەڵایەتیی كرێكاران لە هەرێمی كوردستان و پێشكەشكردنی ئامار و زانیاریی بەرەوپێشچوونەكان لەمبارەیەوە گفتوگۆ دەكرێت.

ئەمە لەکاتێکدایە کە لە کۆتایی مانگی شەش نزیک دەبینەوە، بەڵام تا ئێستا مووچەخۆران و فەرمانبەرانی هەرێم مووچەی مانگی پێنجیان وەرنەگرتووە.