SNN-
لە سنووری پارێزگای شرناخی باکووری کوردستان، چوونی خەڵک بۆ پێنج ناوچەی سەر بە شارۆچکەی باسا بۆ نۆ رۆژ قەدەخە کرا. بڕیارەکە بەپێی یاسای سەربازی راگەیەندراوە.
پارێزگای شرناخ دەڵێت، پێنج ناوچەی سەر بە شارۆچکەی باسا، وەک ناوچەی ئەمنیی تایبەت ناسێندراون و بۆ ماوەی نۆ رۆژ هاتووچۆی خەڵک بۆیان قەدەغەیە.
بڕیاری قەدەغەکردنەکە رۆژی 27-8-2025 دەستیپێکردووە و تاوەکو 5-9-2025 بەردەوام دەبێت.
هەروەها بە وتەی پارێزگای شرناخ، “بە مەبەستی پاراستنی ئاسایشی نەتەوەیی، دەستەبەرکردنی سەلامەتیی گشتی، رێگری لە تاوان و پاراستنی ماف و ئازادییەکانی دیکە، ئەو ناوچانە وەک ناوچەی ئەمنیی تایبەت راگەیێندراون” و داوای لە خەڵکی کردووە بۆ پاراستنی سەلامەتیی خۆیان، پابەندی بڕیارەکە بن و سەردانی ئەو ناوچانە نەکەن
