دەستبەهەناردەكردنەوەی نەوتی هەرێم دەكرێت و گرفتی مووچە چارەسەر دەكرێت

SNN-عەلی حەمە سەعید
وابڕیارە سبەی یەك شەممە شاندە باڵاو بڕیار بەدەستەی حكومەتی عێراقی بگەنە هەولێر ئەوەش دوای گەیشتنی شاندێكی تەكنیكی كە لە ئێوارەی ڕۆژی پێنج شەممەوە لە هەولێرن و سەرقاڵی ئامادەكردنی راپۆرتن بۆ ئەوەی شاندە بالاكە بیكەنە تەوەرەی گفتوۆكانیان.

بە گوێرەی ئەو زانیارییانەی كە دەستSNNكەوتوون ئەوە خراوەتەڕوو، وابریارە سبەی یەك شەممە شاندێكی بالاو بڕیاربەدەستی حكومەتی عێراقی بگەنە هەولێر و لەگەڵ سەرۆكی حكومەت و وەزیرە پەیوەندیدارەكانی تایبەت بە پرسی بودجە و نەوت كۆببنەوە و چارەسەری گونتجاو بۆ گرفتەكان بدۆزنەوە.

ئاماژە بەوەشكراوە، شاندە بالاكەی عێراق بە سەرۆكایەتی ( فواد حسێن) جێگری سەرۆك وەزیران بۆ كاروباری دارایی و وەزیری نەوتی عێراق و سەرۆكی كۆمپانیای سۆمۆ و سەرۆكی دیوانی چاودجێری دارایی عێراق و چەند بەرپرسێكی پلە بالای دیكە لە خۆدەگرێت، هاوكات ئەو شاندە لە كۆبوونەوەكانیاندا نوێنەری ( ئەپیكۆر) بانگهێشت دەكەن و بڕیاری كۆتایی لەسەر هەناردەكردنەوەی نەوتی هەرێم دەدرێت.

SNNئەوەشی زانیوە، بە دەستپێكردنەوەی هەناردەی نەوتی هەرێم گرفتە سەرەكییەكانی بەردەم ناردنی پارەی مووچە چارەسەر دەكرێت، هاوكات بابەتی ڕادەستكردنی داهاتی نانەوتی ڕێككەوتنی نوێی لەبارەوە دەكرێت دەبێت مانگانتە هەرێم لە %50ی داهات بۆ عێراق بنێرێتەوە و بڕەكەی دیاری دەكرێت.