وهزارهتى تهندروستى: چهندین ئامێرى ههناسهدانى دهستكرد گهیشتنه عێراق
گهیشتنى هاوكارى پزیشكى به فڕۆكهخانهى نێودهوڵهتى بهغدا | فۆتۆ: AP
وهزارهتى تهندروستیى عێراق رایگهیاند: چهندین ئامێر و كهلوپهلى پزیشكى و ئامێرى ههناسهدانى دهستكردیان كڕیووه و ئهمڕۆ ئهو ئامێرانه گهیشتوونهته عێراق.
بهگوێرهى راگهیهنراوێكى وهزارهتى تهندروستى، “ئامێر و كهلوپهله پزیشكییهكان كه زۆربهیان ئامێرى ههناسهدانى دهستكردن ئهمڕۆ له وڵاتى ئهمریكاوه گهیشتوونهته فڕۆكهخانهى نێودهوڵهتى بهغدا”.
وهزارهتى تهندروستى ئهوهشى ئاشكرا كردووه، “ئامێره و پێداویستییه كڕدراوهكان بردراونهته كۆگاى پزیشكى دهباش له بهغدا، دواتر دابهشدهكرێن بهسهر سهنتهرهكانى چارهسهرى نهخۆشانى كۆرۆنا له سهرتاسهرى عێراق”.
كڕینى ئهو ئامێرانه لهلایهن حكومهتى عێراقهوه له چوارچێوهى ئهو پلانه لهناكاوهیه كه حكومهتى مستهفا كازمى گرتوویهتیه بهر بۆ رووبهڕووبوونهوهى ڤایرۆسى كۆرۆنا.
تاوهكو ئهمڕۆ رێژهى تووشبووانى ڤایرۆسى كۆرۆنا له عێراق گهیشتووهته 8 ههزار و 840 كهس، لهو ژمارهیهش 4 ههزار و 338 تووشبوو چاكبوونهتهوه، له ئێستادا 4 ههزار و 231 تووشبوو بوونى ههیه له نهخۆشخانهكان و 50 تووشبوو بارى تهندروستییان ناجێگیره، هاوكات ژمارهى ئهو كهسانهى كه به ڤایرۆسهكه گیانیان لهدهستداوه گهیشتووهته 271 كهس.
