نوری مالیکی: عێراق پارێزراونابێت لە شەڕەکانی ئیسرائیل

SNN-

نوری مالیکى، ئەمیندارى گشتیى حیزبى دەعوە، هۆشدارى لە ئاڵنگارییەکانى ناوچەکە دەدات و دەڵێت عێراق لێی بەدوور نابێت.

نورى مالیکى، لە وتارێکدا بەبۆنەى یادى عاشورا، رایگەیاند، “لە ژێر رۆشنایی ئەو گۆڕانکاری و ئاڵنگارییە مەترسیدارەی ناوچەکە بەخۆوەبینیویەتى و شەڕەکانی ئیسرائیل لە کەرتی غەززەوە تاوەکو لوبنان و پاشان سووریا و دواجاریش بۆ کۆماری ئیسلامی ئێران درێژبووەتەوە و عێراقیش پارێزراو نابێت.”

نورى مالیکى، جەختیشیکردەوە، “دەبێت عێراق دەوڵەتێکی بەهێز بێت، خاوەنی هەموو ئامرازەکانی بەرگری لە سەروەری و گەلەکەی و پیرۆزییەکانی بێت.”

ئاماژەی بەوەشکردووە، “جیهانی دەوروبەرمان خاوەنی هەموو هۆکارەکانی بەهێزبوونە، دەبێت عێراقیش ئاستى خۆى بەرزبکاتەوە، نەک لە پێناو شەڕدا، وەکو سەردەمی بەعس، بەڵکو بۆ پاراستنی سەروەری و مافەکانى و بەرژەوەندییە باڵاکانی گەلی عێراق.”