رۆژنامەی الشرق الاوسط: هەولێر و بەغدا لەسەر نەوت و داهاتەکان گەیشتوونەتە ڕێککەوتن
SNN-
رۆژنامەی الشرق الاوسط، بڵاویکردەوە، شاندەکانی هەرێمی کوردستان و حکومەتی عێراق لە بەغدا، گەیشتونەتە رێککەوتنی سەرەتایی، لەبارەی دەستپێکردنەوەی هەناردەکردنی نەوت و پشکی بەکاربردنی ناوخۆ، بەڵام پرسی شایستەی کۆمپانیا نەوتییەکان تا ئێستا چارەسەرنەکراوە.
بەرپرسێکی یەکێک لەو کۆمپانیایانە بە رۆژنامەکەی راگەیاندووە، “بڕیارە لە ئەم هەفتەیەدا کۆبونەوەیەکی دوو قۆڵی لەگەڵ وەزارەتی سامانە سروشتییەکان، یان سێ قۆڵی بە بەشداری نوێنەری حکومەت لەسەر ئەم بابەتە، ئەنجام بدرێت.”
ئاماژە بەوەشکراوە، کۆبونەوەی شاندەکانی حکومەتی هەرێمی کوردستان و حکومەتی فیدراڵی كە ماوەی چەند کاتژمێرێکی خایاندووە، هەردوولا گەیشتونەتە رێککەوتنی سەرەتایی لەسەر رادەستکردن و هەناردەکردنی نەوت و رادەستكردنی %50ـی داهاتەکان، بڕیارە کۆبونەوەیەکی دیکەش بە بەشداری ئەندامانی ئەنجومەنی وەزاری ئابووری لەسەر هەمان بابەت ئەنجام بدرێت.
